Hörmətli media nümayəndələri, bildirmək istəyirik ki, 17 fevral 2009-cu il tarixində Yunanıstan - Azərbaycan Biznes Forumu çərçivəsində Azərbaycan Françayzinq Assosiasiyası ilə Yunanıstan Françayzinq Assosiasiyası arasında Əməkdaşlıq Müqaviləsi imzalanmışdır. Müqaviləni Azərbaycan tərəfdən Azərbaycan Françayzinq Assosiasiyasının direktorlar şurasının sədri cənab Elşən Musayev və Yunanıstan tərəfdən Yunanıstan Françayzinq Assosiasiyasının Baş Direktoru cənab Sotiris Yanakakis imzalamışlar.

Qeyd edək ki, Yunanıstan - Azərbaycan Biznes Forumu Azərbaycan Respublikası Prezidenti cənab İlham Əliyevin Yunanıstana işgüzar səfəri çərçivəsində İqtisadi İnkişaf Nazirliyinin xətti ilə AZPROMO tərəfindən Afina şəhərinin Ticarət və Sənaye palatasında keçirilmişdir. Forumda ölkəmizin hökümət və iş adamlarından ibarət rəsmi nümayəndə heyəti iştirak etmişdir.

Əməkdaşlığa dair müqaviləni imzalamaqda məqsəd Azərbaycanda və Yunanıstanda françayzinq təcrübəsinin öyrənilməsi, effektiv inkişafı və yayılması, beynəlxalq françayzinq sisteminin yerli bazar şərtlərinə uyğunlaşdırılmasına kömək və informasiya mübadiləsi etməkdir.

Məlumat üçün bildiririk ki, Azərbaycan Françayzinq Assosiasiyası 2007-ci ilin fevral ayında yaranmış və qeydiyyatdan keçmişdir. 2007-ci ilin Sentyabr ayında Baltik Françayzinq Assosiasiyası, Noyabr ayında isə Türkiyə Françayzinq Assosiasiyası ilə Əməkdaşlığa dair müqavilə bağlaməşdır. AFA Rusiya , Almaniya, Ukrayna françayzinq assosiasiyaları ilə sıx əməkdaşlıq edir. AFA -nın məqsədi Azərbaycanda françayzinq təcrübəsindən istifadə etməklə xırda və orta sahibkarlığı inkişaf etdirmək, yeni brendlərin ölkəmizə gətirilməsi və Azərbaycanda françayzinq qanunvericiliyinin öyrənilməsi və tətbiq edilməsidir. Assosiasiya hal-hazırda bir çox Amerika və Avropa şirkətlərinin Azərbayacanda françayzinq yolu ilə açılması ilə məşğul olur.

Mətbuat katibi: Nuranə Heydərova

ünvan:C.Cabbarlı 44, Caspian Plaza, Bakı, Azərbaycan, AZ1065

Əlaqə tel.:(012) 436-77-50; (012) 437-96-27

Mobil: (050)531-35-77

Fax: (012) 436-77-51

E-mail: chairman@franchise.az

      
Bu xəbər 1782 dəfə oxunub.