Bakı Dövlət Sirki yeni tamaşa hazırlayır ( 23 Feb 2009 saat 14:51:58 )

Bakı Dövlət Sirki yeni proqram hazırlayır. Sirkin mətbuat xidmətinin rəhbəri Mahir Hümbətovun PRESSPOST-a verdiyi məlumata görə, tamaşa Ukraynadan gətirilmiş Afrika şirləri və Böyük Moskva sirkinin proqramından yığma olacaq. Əhilləşdirilmiş şirlər, itlər, meymunlar, pişiklər və sairə heyvanlarla bərabər hava gimnastları maraqlı nömrələr nümayiş etdirəcəklər. ümumilikdə isə yığma proqramda 30-a yaxın artist iştirak edəcək. Proqram martın 14-də başlayacaq və təlabatdan asılı olaraq, mart ayının sonuna kimi davam edəcək. Sirk əməkdaşının sözlərinə görə, proqramın qrafiki dəyişkən olacaq. Belə ki, məktəblilərin tətil günlərində gün ərzində 3 tamaşa göstəriləcək. Biletlərin qiyməti isə dəyişməz qalıb: 4-10 manat arası. Mahir Hümbətov proqrama baxmaq istəyənlərə də müraciət edib.M. Hümbətovun sözlərinə görə, adətən biletlər tamaşadan əvvəl satışa çıxarılır və tamaşa gününə kimi satılıb qurtarır. Bunun üçün də proqram günü bilet almaq istəyənlər əliboş qayırlar.
Bu xəbər 1771 dəfə oxunub. |